نعت الممثلة السورية شكمران مرتجى، الممثل الراحل أسامة الروماني، والذي توفي يوم أمس الاثنين عن عمر ناهز الـ 81 عاماً، بعد تعرضه لاحتشاء بعضلة القلب.
واستذكرت شكران بداية معرفتها بالراحل، وإعجابها بفنه وثقافته المميزتين، فقالت: "أسامة الروماني غير فخامة الأسم والأرشيف وخاصة ببداياته ضيعة تشرين وغربة هدول المسرحيتين اللي السوريين حافظينهم بصم والأخيرة للأسف أصبحت عنواناً لحياة طويلة في الكويت. كان مدهش حليوه ومهضوم".
وبدأت شكران سرد التفاصيل، فأضافت: "هلق بالبدايات هيك كنت شوفه بس بعدين عرفت قديشه مثقف مكتبة متنقلة بدون تبجح المعلومة بتتدفق منه متل المي من النبع، فماعليك وأنت بحضرته إلا تسمع وهاد اللي صار بإمتحان قبول معهد السينما كنت باللجنة بس ساكتة عم أسمع أسئلته وأجوبته وسجل عندي وأخجل من قلة معرفتي قدامه، مارح قول إني بعرفه كتير بس تشرفت بمعرفته عن قرب كتير لدرجة إني أشتغلت بأحد الأعمال لحتى يكون بأرشيفي عمل معه ولو مشهد".
واختتمت مرتجى معزيةً عائلة الراحل، وقالت: "ستبقى بالذاكرة أستاذ أسامة بعرف قديش كنت مبسوط بعودتك لدمشق بعد سنوات طويلة من الغربة عزائي لعائلته الكريمة وعزائي لمهنتنا اللي خسرت أحد كبارها".
