تحدث الممثل المصري تامر هجرس عن فترة مرضه، وخضوعه لعملية جراحية صعبة في ظهره قبل سنوات.
وقال تامر هجرس أنه كان يقوم برياضة تسلق الصخور وسقط من مكان مرتفع مما عرضه لإصابه في ظهر: "وقعت مرة من المرات وقعة حوالي 25 متر على صخرة والحبل حرق إيدي كلها كانت على العضم. حصل شرخ في العضمة اللي بتمسك فقرات العمود الفقري، اتكسرت ونزلت على العصب وابتدى يحصل شلل في رجلي والدكتور قال لازم أعمل عملية بسرعة. قالولنا أن العملية هتاخد 3 ساعات، العملية أخدت 10 ساعات لأني نزفت دم كتير واستمرت العملية وقت طويل. "جسديا الحمد لله مفيش تأثير إلا في حركات محددة، لكن نفسيا خلتني أفكر في حاجات موجودة كل يوم في حياتك وأنت مش حاسس بيها، بقيت مقدر كل حاجة في الحياة وبعيش اليوم بإيجابية أكتر".
حديث تامر هجرس خلال لقائه في برنامج "واحد من الناس" من تقديم الإعلامي عمرو الليثي.
