توفيت وصيفة ملكة جمال لبنان لعام 2016 ميشيل الحجل عام 2019 بعد معاناتها بمرض سرطان الغدد اللمفاوية لعام، ولمدة 4 سنوات من وفاتها، قيل إنها أرسلت إشارات وشهادات منذ ذلك الحين، ما أدى إلى إتخاذ المعنيين القرار بفتح المدفن بوجود كاهنين من رعيتها.
وكانت قد خسرت ميشيل شعرها بسبب المرض، إنما عندما فتح المدفن، إتضح أن وجهها لا يزال كما هو، وشعرها وحواجبها نمت، وذلك ما أكدته صفحة بلدة وادي شحرور في بيان نشرته، وجاء به: "من بعد إشارات و شهادات صرلها سنين لليوم عم تحصل بسبب ميشيل، و كرمال ما نُتًهَم بالتخيلات متل من البعض، و للاسف خجلوا من نفسن، و من بعد ما اتوافق انو نفتح مدفن ميشيل، مبارح و بوجود كاهنين من رعيتي، و شخص من عائلتي اللي هوي أسعد، و العم جوزيف المسؤول عن المدافن يللي ركع و صار يبكي، اتبين انو وجها لميشيل من بعد اربع سنين بعدو نفسو بتفاصيلو، ملمسو طري، شعرها طولان لدرجة مغطا نص وجا، حواجبها ظاهرين كتير و مع العلم انو ميشيل اندفنت بلا شعر و بلا حواجب. و هالشي الطب بيأكد انو قدرة الهية موجودة مع ميشيل، لان من بعد اول سنة الجسم بيتحلل كلو، و من ٢٤ ل ٤٨ ساعة الشعر و الاظافر بيوقعو، و بالأخص انو ميشيل آخدة كيماوي اللي بيخلي الجسم كلو يتحلل قبل غيرو حسب ما قال الحكيم".
وتابع البيان: "حوالي النعش و بقلبو بتفح ريحة القداسة، و النقاوة و النضافة ظاهرة. رح ننطر الكاهن يرفع الشهادة لسيادة المطران تا يجي مع اللجنة و يشهدوا، و يأكدوا و ينقلوا ميشيل لمحل بيليق فيها.
شو قوية انت يا ميتشي.. شو قوية بإيمانك و بحبك ليسوع تا قدرتي تخلي الناس تحبك و تآمن فيكي تا وصلتينا نشهد عا أجمل ما شافت العين.. شو كبيرة رحمتك يا يسوع.. هللويا هللويا..
يا ميتشي شو صعب هالاحساس، و شو ملخبط! مش عارفه ببكي او بفرح! دخيل وجك انا!
بانتظار سيادة المطران و اللجنة الطبية تأكد اكتر هالنعمة، المطرانية ساعتها بتعلن كل المعلومات".
