ساندت الإعلامية المصرية هبة الأباصيري الفنانة شيرين عبد الوهاب بعد وقوعها على المسرح، اذ قالت: "مالها شيرين امبارح يا ولاد!؟.
. كانت لابسة لبس مش عاجبكم !! براحتها وبعدين لا هو شاذ عن الأخلاق ولا التقاليد !! يبقى براحتها كمان مرة. بيقولوا هزرت و طلعت لسانها عالمسرح !! براحتها برضه، ومحدش متضرر، دي فنانة على مسرح وهزرت بعفويتها المعتادة من يوم ما طلعت وعرفناها وحبيناها، ما هياش مثلا بتهزر في حرم الجامعة ولا دار عبادة أو أي مكان له قدسيته ولا يجوز فيه الهزار مثلا!! دي حفلة ترفيهية وهي لم تخرج عن حدود اللياقة والأدب كإنسانة".
وتابعت: "اتكعبلت وقعت عالمسرح!!؟ الله !!! ما يا ما نجوم وفنانين وقعوا على خشبة المسرح في العالم كله !! بشر واتكعبل!!! إيه العجيب في كده !!المرة دي بقي الست مغلطتش ولا دخّلت الناس في حياتها الخاصة وبيتها، ولا نطقت ..وهتفضل شيرين نجمة كبيرة لها جمهورها ومحبوبة وعندها كاريزما وقبول غصب عن الكارهين ومهما عدت بمصاعب، إلا أن يشاء الله أمراً، كان مفعولاً .. مش عاجبك شيرين، متتابعهاش. مش عاجبك كلامي، كأنك مشوفتوش. ارحموا من في الأرض يرحمكم من في السماء".
