دعمت الممثلة المصرية فريدة سيف النصر الممثلة نيللي كريم، بعد محادثة هاتفية جرت بينهما، إشتكت فيها الأخيرة من هجوم البعض من زملائها عليها وتقليلهم من موهبتها، إضافة إلى تكرار القصص التي حصلت معها بعد تجربة مسلسل "ذات" من دون مبرر.
وأكدت فريدة سيف النصر أن نيللي من أفضل الفنانات في تقديم الشخصيات الفنية حالياً، وعلقت على المكالمة التي روت تفاصيلها عبر منشور عبر حسابها الخاص على مواقع التواصل الإجتماعي قالت فيه: "نيللي ما تحزنيش، حكت لي حبيبتي وصوتها كله مراره واستغراب من هجوم عليها بلا مبرر عن عمل كما قالت من حداشر سنه.. هو ذات.. دخلت اشوف وتعجبت ليه دلوقتي وايه الحكمه من كلمة مابتعرفش تمثل ولا تقول كلمتين على بعض.. من رجل وست زملاء مهنه في برامج مختلفه واحنا كلنا أخوه وليه الكلام ده دلوقتي... وليه ماكانش ساعتها النقد".
وتابعت فريدة موجهةً رسالة إلى نيللي بالقول: "اسمعيني حبيبتي وانا لااخاف إلا الله ولا اخشى في الحق لومة لائم..عمله نادره يا نادره ياجادره..علامه فارقه ليكي وسط كل الكوكبه دي وكل اعمالك الخطيره اللي بتدافع عن قضايا...انسي انك تحزني انتي كنتي صعيديه بجداره وبعقل وبفن وعينيكي كانت كلها تشفي وانتقام.. والناس حبوا العمل جدا..أنا اختك الكبيره باقوللك انتي سوبر ستار وأحلى صعيديه من تقمصك ضاعت الملامح الأرستقراطية وانطبع برينت على وشك قسما بالله واحده اسمها نادره".
وأكملت سيف النصر: "استمتعت بمشاهدي قدامك جدا..وقدرتم انتي وماندو تكونوا بجد تستاهلوا عمل باسمكم ودائما..اعملي بالنصيحه دي الدفه عايزين يحولها جميعا باتجاهات معينه ومالو حوليها معاهم وقولي الله انتم ماحصلتوش..النجاح لأي عمل نجاح لنا كلنا لا الورقه ولا الحديده لهم معنى جنب تقدير جمهورنا الواعي.وانتاج محترم والمتحدث واختياراتها وعارفين كويس الثمين من الغث".
وإختتمت فريدة بقولها: " النجوميه لا تتجزأ لو نقصت في عيون الناس تهتز...انتي احلي صعيديه من الاخر...ولاااااااااااا يهمك..افرحي بنجاحك وبصي للي جاي خلصت طالما فهمتي هاترتاحي.... اللي بيحب نيللي زيي، يطبطب عليها ونقول لها معلش مش قصدهم".
