أكدت الممثلة المصرية أمينة خليل أن لعائلتها دوراً كبيراً في بناء شخصيتها وفي نجاحاتها وصلت إليها وفي دعمها في مسيرتها المهنية، وقالت عن الموضوع: "أهلي مسكوا إيدي في الطريق إللي اخترت أمشي فيه شخصيتي أو شغلي أو اختياراتي في الحياة ومفرضوش عليا طريق معين".
وتابعت بالحديث عن أهلها قائلةً: "بابا وماما حنينين ومتفتحين العقل وخلوني أنشأ في بيئة متفتحة التفكير، ومهتمين جداً بتعليمي والبيت يبقى كويس وسعيد على قد ما يقدروا.. ودعموني جداً لما قررت أبقى ممثلة، رغم الضغوط من أفراد تانية من العيلة لإنه مكنش قرار سهل بس دلوقتي الموضوع بقى متقبل أكتر".
وأكدت خليل على أن الأصدقاء بياخدوا حيز كبير جداً من حياة أي شخص، أما عن معاناتها مع أشخاص مرو في حياتها قالت أمينة: "هناك أشخاص اتغيروا معايا وظهروا على حقيقتهم وعيطت بدل الدموع دم كتير لأني حاسة إني اتخذلت وأنا كنت بحبهم أوي".
جاء حديث أمينة خليل في برنامج "طريق تالت" عبر إذاعة إنرجي من تقديم إيناس سلامة الشواف.
