هاجمت الراقصة والممثلة المصرية لوسي، عدداً من زملائها بسبب تصريحاتهم حول تحريم الفن واعتزالهم لأسباب دينية.
ووجّهت لوسي رسالة إلى مَن يحرم الفن، قائلة: “الفن عموما مش حرام لأنه بيتعمل في النور.. وأنا برقص واللي مستحرم يدعيلي ميحضرش حفلات”.
وقالت الراقصة لوسي: "الحرام والحلال حاجة جديدة علينا.. وطول عمر الفنانين بيطلعوا ببدل الرقص والمايوه.. وكان في مشاهد حميمية وبيتباسوا"، وأضافت :"اللي بيحرم أنت إيه عرفك أني هروح النار؟ ما يمكن أنا عند ربنا أفضل منك؟".
وتحدثت لوسي عن العبادات التي تقوم بها قائلة: "أنا بقرأ القرآن الكريم قبل ما أصلي الفجر.. والجمهور مالوش دعوة أنا متجوزة ولا منفصلة ولا بلبس مايوه ولا كت ولا برقص أو علاقتي مع ربنا".
وحول إذا توفيت وهي ببدلة الرقص قالت لوسي: "لو توفيت ببدلة الرقص ربنا هيسترني.. وأنا عندي صفحة عند المولى عز وجل وكاتب فيها حياتي، هل لما أموت هيقولي خشي يا لوسي النار عشان بترقصي؟ يمكن أنا بعمل حاجات أحسن من الرقص".
