رد الفنان المصري محمد رمضان على منتقدي فيلمه الجديد "هارلي" المنتظر عرضه في موسم عيد الفطر المبارك، مأكداً أن هذا الفيلم مقدم لشريحة معينة من الجمهور.
وتعليقاً على الموضوع، قال محمد رمضان: "هارلي ده فيلم سينما.. وجمهور السينما بيختلف تماما عن جمهور الدراما".
وتابع رمضان قائلاً: "في السينما أنا بخاطب شريحة عمرية وهم رواد السينما الحقيقيين هما من سن اتناشر سنة لسن تمانية وعشرين سنة.. دول جمهور السينما الحقيقي وأنا اخترت فيلم يخاطب هذه الشريحة ويمثلها".
أما عن شخصيته في الفيلم قال رمضان: "هارلي هو شاب ينتمي لهذا الجيل اللي هو ممكن يكون بيختلف عن جيلي وعن الجيل اللي قبلي .. جيلي مكنش عنده انستجرام .. وهذا الجيل عامل فولو لكريستيانو اللي هو عامل حلق او فلان .. وكلنا بنعاني مع ولادنا ان هم بيقلدوا اللوك بتاع بعض.. وهو شيء عادي بالنسبة لجيل جديد".
و اشار محمد إلى ان إنتقاله من جعفر العمدة الى هارلي هو شيء غريب، فقال: "هو ده الممثل يعني الممثل الحرباء إن هو ازاي يبقى في كل أرض لون الأرض دي.. وهو طبعا نقلة غريبة جدا من جعفر العمدة زي وان شاء الله الناس لما تشوف الفيلم هيشوفوا النقلة اكتر كمان ازاي شخص بيمشي ماشية مختلفة طريقة كلامهم مختلف في اكشن تقريبا في السينما اكشن او ورومانسي وفي كوميديا".
وجاء حديث محمد رمضان خلال لقاء له عبر راديو 9090.
