قارنت الإعلامية أسما إبراهيم بين الممثلة المصرية ريهام عبد الغفور والممثلة المصرية منة شلبي، ذلك من خلال سؤال وجهته لريهام خلال مقابلتها معها في برنامج "حبر سري"، وقالت: "تقري وتعترفي إن منة شلبي سبقتك بخطوات كتير أوي؟".
وردت ريهام قائلة: "أعترف جدا منة شلبي دي حبيبة قلبي وأنا من أشد معجبيها".
وإستنكرت منة هذا السؤال، وكتبت: "عيب أوي الأسئلة اللي من النوع ده، حقيقي عيب ريهام فنانة كبيرة جدا، وإحنا مش في سباق احنا كلنا بنكمل بعض مش بننافس بعض عيب".
وردت عليها أسما قائلة: "بعيداً عن الطريقة والعيب واللي مش عيب في السؤال الموجه للجميلة ريهام عبد الغفور، ما كانش مقصود التقليل من المبدعة ريهام عبد الغفور بالسؤال ده، خصوصاً أنها محققة نجاح كبير شايفينه ولامسينه".
وأضافت: "الغرض من السؤال ما كانش خبيث قد ما هو إشادة بتاريخ منة شلبي وتحفيز ريهام عبد الغفور للاستمرار في صعودها ونجوميتها اللي اتأخرت لأسباب ملهاش علاقة بروعة أدائها ولا بموهبتها الكبيرة.. وبأكد أن كل التقدير والاحترام لريهام عبد الغفور وأن مش مقصود تماماً اللي وصلك أو اللي بتحاولي توصليه من ردك".