تحدثت الممثلة المصرية منة فضالي عن والدها للمرة الأولى، ولم تتمكن من تمالك دموعها وهي تخبر أنه ترك المنزل وهي بعمر الأشهر فقط، وكشفت كيف إضطرت للزواج من رجل يكبرها بـ 20 سنة بشكل سري حتى تعوض هذا الغياب.
وقالت منة فضالي مؤكدة أنها والديها إنفصلا وهي طفلة صغيرة جداً: "كنتش هفهم الكلام ده وأنا صغيرة بس كنت بتضايق.. وانا كل شوية بسأله هتيجي امتى؟ وانا مكنتش أعرف إنهم منفصلين، سابني وأنا عندي شهرين او تلاتة.. أنا نفسي اعرف ليه؟ بس خلاص متأخر دلوقتي. لما كبرت وبدأت اشتغل عرفت إن ماما اتطلقت وعرفت بعد وقت طويل.. هي كانت أول زوجة له. وقعدوا مع بعض 12 أو 13 سنة. أنا جيت بعد معاناة طويلة لماما في الخلفة. وكانت بتسقط كتير جدًا. وتعبت عشان تجيبني وكانت هتموت. الأول كان الموضوع بالنسبة لي كره عشان كان موجود ومش موجود. كنت شايفه إنه مش موجود بإرادته. واعتقادي إنه هو اللي مش عايز يكون موجود كانت تعباني نفسياً".
وعن زواجها الأول قالت: "معرفش عملت كدة ليه أنا كنت وخداها عناد، كان فرق السنة حاجة وعشرين سنة وكان متجوز وعنده ولاد وكنت بعاند أمي عشان رفضت وهو كان متجوز قبل كدة ومطلق وأتجوز كذا مرة وطلق كذا مرة. ضربني مرة وعورني من على السلم بسبب الغيرة، وحصلي كسر واتطلقت بعديها، وخدت وقت كبير عشان ماما تسامحني ومتجوزتش بعده تاني. كنت بدور على الارتباط أني ارتبط بناس أكبر مني سنًا، وكنت بدور على الأب في علاقاتي، وكنت مرتبطة بناس أكبر مني بـ 30 سنة. بطلت دلوقت أدور عليه، عندي عماتي بيسألوا عليا وأعمامي بيكلموني طول الوقت ولكن مبنتقابلش باستمرار، وعندي عمة مفضلة بحبها، وعندي أخوات مسافرين برا مصر، وأخوات معرفش عنهم حاجة".