علقت ريم زوجة مغني المهرجانات المصري حسن شاكوش، على سجودها في حفل زفافها، والذي أثار الكثير من الجدل.
وقالت ريم خلال لقائها في برنامج “العرافة” بحضور زوجها حسن شاكوش، إنها تعرضت لمحن كثيرة قبل خطوبتها على شاكوش، لذا كانت على قيام الليل.
وأضافت ريم "فوجئت بأمي بتقولي إن حسن جاي يتقدملي فقررت السجود شكرا لله مرتين بعد قيام الليل وكان صعبان عليا أوي إني ملهية في موضوع الفرح ومبصليش، وكان بقالي أسبوعين قبل الفرح مش مركزة غير إني أثبت للناس إن ربنا بيعوض ومفيش حاجة اسمها تتظلمي وربنا ميديكش حقك".
وأشارت ريم إلى أنها كانت تركز على السجود لله ليلة الفرح دون الاكتراث لإطلالتها مضيفة "لو سجدت قدام حسن كنت هشيله الذنب، لكن ولا أهلي ولا أهل حسن ولا أصحابي عارفين اللي بيني وبين ربنا، وكان لازم أبين للناس إن في ربنا وتعويض مكنتش قادرة أتنفس ومش مرتاحة مش مركزة غير أعمل ده، وصاحبتي قالت لي هتتبهدلي، لكن قلت لها مش هحضر الفرح غير كده".
وتابعت: "مركزتش مع حد وبعد ما قمت أنا ارتحت وأخدت نفسي، اللي مع ربنا مش بيشغله حد، أنا مش شيخ لكن أنا بحب ربنا وأحب أقرب منه، حتى لو مش ديمًا برجع له، دي حاجة مينفعش أعمل بيها شو".
واختتمت ريم "أنا مش واحدة جاهلة ومخي واقف عشان حسن يجي يقول لي ريم أسجدي.. كده كده الفرح هيطلع تريند ده حسن شاكوش، مكنتش محتاجة ولا في دماغي أصلا، معرفش يعني إيه تريند".
