دخلت الممثلة السورية ميرنا شلفون في صدمة بعد أن شعرت بتعب والدها ومرضه، ووجهت له رسالة تحمل الكثير من الحنان والحزن بالوقت ذاته، متمنيةً شفاءه وعودته أقوى من السابق.
وقالت ميرنا: "يا اغلى قطعة بقلبي يانور عيوني لي بشوف فيهن يانفسي لي عايشة في ياعمري كلو ياكل حياتي وذكرياتي الحلوة يا أجمل وأطيب قلب بالدنيا كلها واحن انسان بهالكون يا احلى حضن واجمل لمسة ايدين بعمري ما حبيب حدا قدك ولارح حب وبعمري ماشبعت غير من محبتك ودلالك بعدك مافي طعمة لشي الله يخليك لاتروح وتتركني لما امبارح حاكيتك وقلتلك يا بابا ياحبيبي وجاوبتني بصوتك المنهك لي بعمري ماسمعتو هيك كل عمرك رمز القوة بحياتي قلتلي شو ياقلبي ياريتني طرشت وماسمعتك تعبان هيك ياضو عيوني".
وقد طلبت من المتابعين أن يدعوا له بالشفاء العاجل، وبالفعل علق عدد من الممثلات متمنيين له دوام الصحة والعافية.
كتبت سلاف فواخرجي: "الله يعافيه ويشفيه ويخليلكم ياه ويرجع متل أول وأحسن يارب"، وعلقت جومانة مراد قائلةً: "الله يشفيه ويطول بعمره حبيبتي"، وليليا الأطرش: "الله يعافيه ويشفيلك ياه حبيبتي".
