كشف عثمان بدران صديق المخرج المصري أحمد ثروت، أن الأخير سافر الى ألمانيا لمتابعة علاجه.
وكتب بدران: "من فترة كنت كتبت على قصة الضغط العصبي و ان مافيش حاجة مستهلة و ده كان بسبب حبيبي و صديقي ثروت اللي عنده ٣١ ولا ٣٢ سنة و هو عنده شركة في مجال الدعاية و الإعلان .. زميل صنعة زي ما بيقولوا و من شوية ضغط في الشغل في خلال السنوات اللي فاتت جات له جلطة في عينه الشمال والحمد لله بتتحسن ولكن تطور الموضوع اكتر و جه له مرض في الاعصاب نادر اوي اوي اسمه "متلازمة الميلر فيشر" و ده مرض بيجي ١٪ في المليون بيخلي الجهاز المناعي يهاجم الجهاز العصبي و حاليا مأثر على رجله الشمال تماما واليمين بنسبة ٥٠٪ زي ما أحمد قال لي".
وأضاف: "الحمد الله عزيمة أحمد في حتة تانية خالص وبيهزر وبيضحك ومؤمن ومبسوط ان ربنا اختصه .. بس النهارده يوم مهم جداً. أحمد سافر لألمانيا علشان المرض ده محتاج مركز متخصص لعلاجه والنهارده هيسحبوا عينه مياه من المخ علشان يحددوا الموضوع اكتر ويحطوا بروتوكول للعلاج بإذن الله".
