أعربت الممثلة السورية علا بدر عن حزنها الشديد بسبب تجاهل العديد من زملائها المشاركين في دراما 2023 في البوسترات الرسمية للأعمال.
وكشفت علا بدر عن حزنها بالقول: "طيب عم شوف عجقة البوسترات والبرومو وهالقصص إلي بدي قولوا لا نقد ولا نق ولا اي شي ومو شغلتي ومابيخص اني ممثلة بيخص اني انسانة بحس وبحب الناس إلي بالمهنة خصوصا إلي تعبت عحالا كتير انصدمت ببعض البوسترات انو بس بيختصروا صورتين أو تلاتة بأحسن الاحوال خمسة طب معلش اذا مافيا ازعاج يعني باقي الناس شو تعبون شو كرامتون شوقهرون عحالون وقت ماعم يشوفوا صورون شو؟!".
وأضافت: "ياجماعة شوفوا بوسترات المسلسلات المصرية والتركية وغيرهم إلي عندو 20 مشهد إلو بوستر ولقطة بالبرومو مع العلم هاد الحكي مابتنتبهلوا الناس بينتبهولوا بس ولاد المهنة بس قسما بالله من قلبي انقهرت ولا حدا ينط يقول تسويق ومدري شو، كفا لعب بالمفردات الانسانيات والتقدير اهم من اي شي مابيهتز حضرة التسويق لما بتحط لقطة للناس الي تعبت معك طول شهرين او تلاتة، ياجماعة تعب الناس قيمة الناس وأساميا تاريخا، وجع قلب حرفيا ولو قادرة لقول اساميون بس مابدي وجعون أكتر ورمضان كريم يارب بس نحنا مو كرما".
وختمت بالقول:"عفكرة ما الي ولا مسلسل السنة وجعي على رفقاتي وعلى ناس بحبا الحمد لله لسا عندي احساس".
وبدورها الممثلة السورية سوسن ميخائيل وافقتها بالرأي وكتبت: "شخصيتين او تلاتة بياخدوا النصيب الاكبر لأنن (نجوم) من الأجر والمعاملة الخاصة باللوكيشن والمكياج والازياء والبوسترات والباقي تحصيل حاصل بيعطون القليل من القليل الباقي وللعلم العمل الفني لايكتمل من دون هدول الناس حتى الكومبارس له اهمية بقيام عمل فني متكامل بس لا تندهي مافي حدا".
