خرجت الممثلة اللبنانية نادين نسيب نجيم عن صمتها بعد انتقاد الإعلامية اللبنانية ديما صادق القاسي، بسبب رد نادين على أحد متابعيها.
وكانت نادين نسيب نجيم تحدثت في منشور، لها عبّرت فيه عن خوفها بسبب حدوث هزة أرضية في لبنان لدرجة عدم تمكنها من النوم فكتبت :"هزة أرضية هلأ بلبنان، صرلي من مبارح عم حس انو في شي غريب وما نمت مبارح بالليل"، ليرد أحد المتابعين بطريقة تحمل الكثير من السخرية كاتباً :"شوفي شو عم تاكلي بالليل قبل ما تنامي، لتعلق نجيم كاتبة :"زبّال".
وقد نشرت ديما صادق صورة تبرز كلام نجيم وردها على المتابع، وجاء انتقادها على الشكل الآتي :"ولو؟؟؟؟ ولو؟! ممثلة لبنانية بستعمل مهنة "الزبال" كشتيمة؟! شيء مخزي جداً انه يكون مستوى الوعي والانسانية والشعور والثقافة متدني لهذه الدرجة عند اشخاص بأثروا بملايين المعجبين. طبعا من المسلمات انه ما في شي مهين باي مهنة، المهين للجنس البشري انه يكون في ناس يفكرو بهل طريقة".
وقد استفز نادين نسيب نجيم كلام صادق، فردت عليها موضحة قصدها من الكلمة فكتبت :"حبيبتي ديما انت معودة على المسبات و الشتايم بتحسّي حالك عندك قيمة، انا ما معودة، راسي ما بيحملني هيك اتربيت، خاصة اذا حدا اتطاول عليي بشكل كتير بشع. والزبّال هو يلي بكب وسخه وين ما كان ونفسيته وسخة. يلي بنظف ما اسمه زبال وما بعيطله زبال لانه بكون عم بجرحه، هيك علموني بالمدرسة".
