كتب الممثل المصري أحمد التهامي رسالة استغاثة، اتهم فيها مواطنه الفنان تامر حسني بسرقة فكرة خاصة به، واستغلالها في فيلمه الجديد "تاج".
وكتب أحمد التهامي عبر حسابه الخاص: "أنا سكت كتير عن حقي عشان ما زعلش حد مني أتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمدلله على حب الناس والدنيا مستوره والحمد لله".
وأضاف: "إنما توصل إن مشروعي مشروع عمري اللي أنا تعبت فيه في كتابته ولفيت بيه علي معظم شركات الإنتاج، ولسه عندي يقين وإيمان بالله إن هيجي يوم وأعمله يتسرق مني ويعمله حد تاني بغض النظر ده فيلمي ومشروعي".
وأوضح التهامي أنه سجل فكرته قبل 10 سنوات من تقديمها في فيلم تامر حسني قائلاً: "أنا أول واحد من ١٠ سنين فكرت في فكرة البطل الخارق وطول الفتره دي كان يتسرق أجزاء من الفيلم وأقول عادي، إنما (التوأم الخارق) ده بتاعي ومسجله في المصنفات والشهر العقاري".
وختم أحمد التهامي رسالته قائلاً: "تامر حسني صاحبي وأخويا وأكيد مايعرفش المعلومة دي أرجو الرساله توصله لأن أكيد في ناس كتير مؤذيه، وحسبي الله ونعم الوكيل. أنا حاولت أوصل لتامر حسني ومعرفتش".
