إستعادت الممثلة المصرية يسرا ذكرياتها مع الممثل المصري الراحل علاء ولي الدين، مؤكدة أنه حدثها قبل وفاته عن المنزل الذي إشتراه، وأكد لها أنه لا يشعر أنه سيسكن فيه.
وقالت يسرا: "علاء كان بتاع ربنا شي عجيب ويمكن دي أول مرة باقولها هو لما اشترى بيت جديد وكلنا جبناله هدايا قالي يا سيفا أنا مش هلحق أخش البيت دا، قولتله يا شيخ متقولش كده بعد الشر، وفعلا عمره ما دخل البيت كأنه كان عارف. هو كان تعبان بس مكنش عامل للتعب دا حساب، علاء كان نقي ونضيف وصاحب صاحبه مش راجل أناني، وكان شاطر وذكي في اختياراته كان عارف يختار إيه لنفسه والحالة الكوميدية اللي بيقدمها وبيختار مخرجين كبار بيعرفوا يقدموه.علاء ولي الدين كان بيعشق الشغلانة ومش مصدقين أن فات 20 سنة على وفاته، أنا مقدرتش أدخل المسرح بعد وفاته لحد النهاردة مع أني كنت بجري عشان أشوفهم وأقعد معاهم".
حديث يسرا هذا جاء خلال مداخلة هاتفية مع برنامج "مساء dmc".
