شاركت الفنانة السورية أصالة الجمهور مجموعة صور من حفلها الغنائي الأخير الذي أحيته في الإمارات.
وعلقت أصالة على المنشور برد على منتقدي إحيائها الحفل وقالت: "مرّات بيكون فيه ليالي وكأنّها هربانه من حلم .. وبما إنّنا مُحاطين بالكوابيس والآلام وواقعنا على شفا حفرة من الإنهيار .. وغرقانين ببحر هموم مابين مبارح واليوم حتّى بكره .. صرنا بحاجة قشّه نتعلّق فيها بلكي بتوصلنا على شي برّ .. مبارح ماكنّا أنا وفرقتي لحالنا عالمسرح عم نقدّم مساعده نفسية إلنا وننقلها للموجودين .. كلنا حسينا إنّنا بوسط حشد من أرواح طاهرة عمّ تعزف معنا وتغنّي وعْلينا ورحنا بعيد وتركنا بمطرحنا الهمّ أمانه لنرتاح ونرجع نقوى علينا و نلاقي له حلّ ودائماً الحلول مابتنوجد إلّا لمّا نهدى شوي .. مبارح حسّينا بحضن كبير كلنا تجمّعنا فيه والمحبّه كانت نقيّه صافيه مندفعه طفوليّه لمستنا كلنا بدون إستثناء .. وأحلى شي صار مبارح إنّنا قدّمنا هالمعونه ممزوجه بالفنّ والطّيب بداية منّ صانع هالليله الغير عاديّه الكريم الرجل اللي بفتخر بأخوّته وصداقته السيّد عمر الدّهماني من الإمارات العظيمه اللي قدّم كلّ ريع الحفل لأهلنا بسوريا الممتحنة سوريا التاريخ والأصاله الموجوعه وصرختها صارت الأعلى بين كلّ بلادنا الموجوعه .. بدعي ربّي يجمعني بحبايبي وأهلي بوطني الغالي قريب وطالما مازال الخير موجود الأمل دائماً موجود .. شكراً دبي على وجودك زهره نشوفها ونستمتع فيها مصدر أمان وسعاده للعالم أجمع".
