تحدث الفنان المصري محمد رمضان عن خدمته العسكرية، وعن شعوره بالضغط الكبير من الجمهور والناس.
وقال خلال ندوة له على هامش فعاليات مهرجان الأقصر للسينما الإفريقية: "أنا لسة مخلص جيش من سنة، وحاسس إن في ضغط كبير وتحامل عليا، وبيتقالي قوم اشتغل أنت لسة معملتش حاجة. أنا قعدت مع كل الطبقات ولمستها، ولازم يكون عندي ذاكرة من صور وفيديوهات للناس الحقيقية مش المتصنعين. اللي بيني وبين جمهوري هو الشغل بس والكلمة الطيبة، لأن أنا كان لما حد يزعلني كنت برد بطريقة تزعل الناس مني، فأنا بتعلم والله وبوعد الناس إن كل سنة يحسوا إني بتغير للأحسن إن شاء الله. بحب أكون مركز مع أراء الناس الجماهيرية والشعبية والإيرادات، والشعبية تزيد وكل سنة أكسب طبقة عمرية وشريحة مجتمعية جديدة من خلال تنوع أعمالي".
