كشفت الفنانة ليلى أحمد زاهر عن الشخص الذي كان سبباً في نجاحها.
وفي التفاصيل شاركت ليلى الصور الأولى من كواليس تصوير أول أغنية لها برفقة الفنان هشام جمال الذي تولى مهمة الإخراج، ووجهت ليلى رسالة لهشام أكدت فيها أنه من يقف وراء أي نجاح لها، بينما أكد الأخير أن نجاح ليلى بسبب موهبتها فقط.
وعلقت ليلى على الصورة التي جمعتها بهشام جمال موجهةً رسالة مباشرة له: "أنا طول عمري بقول إنك دايما بتكون سبب في أي نجاح نجحته أو بنجحه في حياتي بعد ربنا، لكن المشروع ده أنا عايزة أشكرك عليه بشكل خاص قدام كل الناس لأني أول ما سمعتك الأغنية عشان اخد رأيك كنت مبسوط وفخور بيا جداً لأنك أول واحد وقفني قدام مايك".
وأضافت: "أول لما طلبت منك إنك تخرجلي الكليب ما ترددتش للحظة رغم إنك كنت مشغول قوي ووراك ٣٠٠٠ حاجة ما شاء الله ومع ذلك مقصرتش معايا ولا مع الكليب لحظة وكل حاجة خدت حقها الحمد الله وده يدل على إنك راجل محترف جداً في الشغل وعلى المستوى الإنساني أخويا وأقرب صديق ليا إللى دايماً بيشجعني وفي ظهري".
وتابعت: "شكرًا يا هشام على كل لحظة اديتها للكليب ده من جوه قلبك والحمدلله الرسالة الفنية إللى أنت قدمتها في الكليب وصلت لناس كتير الحمدلله شكرًا يا أجدع وأنضف أخ في الدنيا وربنا يكرمك يارب في كل أعمالك الجاية ويارب دايماً ناجحه".
ورد هشام عليها خلال التعليقات قائلاً: "يا ليلى انتي بتنجحي عشان موهوبة وشاطرة ومحترمة، وهقولك تاني ماشاء الله مفيش بنت عندها ٢٠ سنه ماشاء الله ليها مسلسلها وبرنامجها وبتغني وحققت إللي حققتيه في سنك ده ماشاء الله، وعايزك تبقي عارفه إني اشتغلت كده عشان كنت مبسوط واحنا شغالين مع بعض ومبسوط اوي باللي وصلناله الحمد لله".
