بعد أن تم إتهام مساعدة الممثلة المصرية منة فضالي بسرقة مجوهرات الممثلة دينا الشربيني، وبعد كل الدراما التي إجتاحات مواقع تواصل الإجتماعي، خرجت فضالي عن صمتها بعد الحادث وصرحت: "المساعدة كويسة، وخرجت بالسلامة، وأنا تواصلت مع دينا الشربيني، ودينا جميلة وأنا بحبها على المستوى الشخصي وممكن حد يكون عمل المشكلة دي في الاتنين، وهي مشكورة راحت وطلعت المساعدة".
وأضافت: "المساعدة بتشتغل مع دينا من سنين وهي مساعدتها الرئيسية، والبنت مظلومة ما أقدرش أقول أكتر من كده وممكن يكون حد عمل كده عشان يقطع عيشها مع دينا أو لأسباب تانية".
وتابعت: "الست كويسة وكفاية إنها فقدت أمها أغلى حاجة عندنا كلنا، فما ينفعش نجرح في الناس ونقول إنها حرامية فيه ساعات كلام بيتكب ما بيكونش صح، والست اشتغلت معايا سنين وعمري ما شفت منها حاجة وحشة".
وواصلت حديثها قائلة: "أنا مشيت المساعدة لأنها كانت شغالة مع أكثر من حد، وأنا محتاجة حد متفرغ لشغلي لأن لما بيكون حد شغال مع كذا فنان بيكون فيه لخطبة شوية، وأنا واحدة بخاف على شغلي، فطبيعي وحقي وقلت لها ربنا يسهلك".
