خرج الممثل المصري كريم فهمي عن صمته، وتحدث عن تفاصيل تعرضه لحملات إلكترونية من أعدائه على مواقع التواصل الاجتماعي، إلى جانب الحديث عن أعمال المنتج أحمد السبكي، مؤكداً أن أفلامه محترمة.
وقال كريم فهمي، خلال مقطع فيديو شاركه عبر حسابه الخاص: "أحمد السبكي له أعداء زيي بيصدروا فكرة إنه طلع الراقصات في أعماله، لدرجة بينسبوا له أحيانًا أفلام مش بتاعته، ودول نجوم معروفين وعندي ملف بأسمائهم وبيعملوا حملات ضدي، والسبكي مظلوم ومن أهم المنتجين وله أفلام كتير محترمة".
وأضاف كريم فهمي: "الناس اللي بيعملوا الحملات دول مش عايزين حد ينجح غيرهم وبيدفعوا فلوس للحملات الإلكترونية لدرجة إنهم بيشتموني، ولما فيلم ديدو نزل لقيت بوستات ناس بتحذر من الفيلم وبيقولوا إنهم خرجوا من الفيلم بعد 3 دقائق بس من عرضه، هو فيه حاجة اسمها خرجت بعد 3 دقائق؟ أنا بقول للجمهور روح اتفرج واحكم بنفسك، وأكيد الحملات دي هتحصل لما فيلمي الجديد أنا لحبيبي ينزل".
