تحدثت الإعلامية المصرية ياسمين عز خلال برنامج كلام الناس المذاع عبر شاشة MBC عن رأيها بتصريف الفنانة العالمية شاكيرا بعد إنفصالها عن حبيبها السابق لاعب كرة القدم جيريارد بيكيه.
وعرضت ياسمين نفسها لموجة من السخرية، وقالت: "لقينا شاكيرا رجعت تكشف تفاصيل خيانة بيكيه لها وكيف أنها اكتشفت الخيانة من خلال برطمان مربى، مضيفة أنها رجعت لقيت برطمان المربى ناقص وده اللي عرفها أن بيكيه بيخونها. علشان بيكيه مبيحبش المربى طول عمره ومن هنا اكتشفت الخيانة. يعني عندك كاميرات وانتي عايشة بره كل التكنولوجيا عندك. تعرفي إذا كان فيه ست داخلة من خلال الكاميرات ولكن من خلال برطمان المربى هذا ما لم نسمع به من قبل. ايه لازمة التشهير بجوزك الرجل الأشقر المحترم وبعدين صلحي كاميرا بيتكم ونخلص. وبعد كده قامت وحطت تمثال في بلكونة بيتها وشغلت أغنية الردح الجديدة لحماتها، وهي دي الأصول والأخلاق الحاجة أم بيكيه عملتلك ايه. وبعدين اللي خرج حد من حياته يعتبر زي الطفاية واللي مبيدخنش. لو انتي بره مديرة وخرجتي من شغلك تسيبي وظيفتك وتدخلي زوجة مفيش وظيفة في البيت لو انتي مديرة. جوه البيت الراجل رجل والست ست وبعدين انتي عايشة في خير انتي في مجتمع الراجل طلع وعنده قاعدة مفيش ست تدفع وأنا قاعد احترمي ده وافرحي ده خدي فرعونك ببركته كده".
