توهت الممثلة المصرية عبير صبري بنداء إلى المسؤولين عن الأعمال الفنية من منتجين ومخرجين أن يهبوا لتقديم يد المساعدة لبعض النجوم الكبار والممثلين الجديد مشيرة إلى أنه يصلها عدة رسائل من بعض النجوم كي تقوم بمساعدتهم للعودة إلى العمل من أجل تمكنهم من تأمين حاجاتهم اليومية والإنفاق على أسرهم.
كلام صبري جاء في منشور لها بصفحتها الرسمية في موقع للتواصل الاجتماعي قالت فيه :"أنا بقالي شهور مش بدخل على الفيس بوك، مجرد صور وخلاص بتتشير أتوماتيك من الانستجرام، بس حبيت أقول كلمتين ورجاء لكل شخص مسؤول في مهنة الفن من أساتذتنا، منتجين ومخرجين أرجوكم في منتجين فنيين كبار كان ليهم شغلهم من كام سنة، وتوقفوا غصب عنهم، وفنانين كبار وشباب طموح عاوز يبدأ في التمثيل كل دول قاعدين في بيوتهم".
وأكملت :"كلهم بيكلمونا نساعدهم يلاقوا فُرصة ييفتحوا بيوتهم، ويصرفوا على أولادهم.. أرجوكم لو سمحتم ساعدوا الناس.. حرام خلوا الناس تشتغل.. افتحوا أبوابكم لأسامي ثانية، وسّعوا الدايرة شوية علشان ربنا.. علشان الدنيا تمشي.. الدنيا بقت صعبة على الجميع.. ربنا يكفي الجميع شر القهر والعوز والإحباط.
وختمت عبير صبري: "كل راعي مسؤول عن رعيته، واللي في أيده منصب، ولا شركة ولا غيره يساعد الناس.. ده واجبه تجاه مهنته، وتجاه أهل المهنة الكرام.. شكرًا لكم".