رد السيناريست المصري تامر حبيب على الساخرين من تضامنه مع الممثلة المصرية منة شلبي وأزمتها الأخيرة مع الحكم الذي صدر ضدها.
وكتب تامر حبيب: "فوجئت بناس كتير بتعمل إيموجي ضحك على تعليقات أصدقائي في البوست اللي نزلته من شوية بقول فيه الحمد لله على الحكم في قضية منة شلبي، والموضوع استفزني وماكنتش فاهم ليه، فدخلت أشوف مين الناس اللي فشتها عايمة قوي كده. لقيتهم كلهم ناس ماعرفهومش ومن بروفايلاتهم أي عيل أهبل يفهم الناس دول اتجاهاتهم ايه وقصدهم ايه، فتمام، اضحكوا جامد، على الأقل انتوا بتضحكوا أو بتسخروا من خبر مبهج ومفرح كل البني آدمين اللي تتوفر فيهم مواصفات الإنسانية. إن شاء الله لما نشوفكم في مصايب وأزمات ومحن تحرق قلوبكم وقلوب اللي بيحبوكم، ده لو كان فيه حد بيحبكم أو كنتوا تفهموا أصلًا يعني إيه حب، إحنا مش هنضحك، إحنا هانقول اللهم لا شماتة، وحسبنا الله ونعم الوكيل"
