تحدثت الممثلة المصرية وفاء مكي عن سبب رفضها التمثيل إلى جانب الفنان المصري محمد رمضان في مسلسل "العمدة"، وقالت: "فيها إيه لما أرفض أشتغل مع محمد رمضان هو مين؟ أنا عملت 86 بطولة، عايزني أرجع تافهة وهايفة؟ أنا مش جاية من على السلّم وعملت 86 بطولة وأعمالي تشهد لي، ولازم أرجع بتاريخي ومحدش يرمي لي دور أي كلام، وفيه فنانين كتير من غير شغل يا ترى عندهم قضية زيي؟".
وعن الهجوم المستمر عليها بسبب قضيتها مع الخادمتين، قالت: "أنا لما اتحبست طلعت اشتغلت خمسة أعمال دفعة واحدة، لأني بصرف على يتامى وأمي مريضة ودلوقتي مبقتش عارفة أجيب لها علاج، وأنا مش إعانة أو بشحت دا أنا بطلب آكل من عرق جبيني، واللي هيتكلم على قضيتي عنده حقد لأن القضية بقالها 20 سنة وأنا واحدة عارفة ربنا وبيني وبينه عمار". وأضافت: "أنا قضيتي بسيطة دا فيه فنانين خرجوا من قضايا دعارة واشتغلوا عادي؟ مش فاهمة ليه الناس بتتكلم على قضية بقالها سنين والموضوع خلص، وإيه علاقة الشغل بالقضايا والمشاكل الشخصية؟".