شارك الفنان المصري تامر حسني الجمهور مقطع فيديو من فيلم "مش أنا" الذي أدى فيه دور "حسن" الذي يعاني من مشاكل نفسية، وظهر في الفيديو برفقة الممثل المصري ماجد الكدواني.
وعلق متحدثاً عن الدعم النفسي: "مساء العسليات عالكل المشهد ده فيه رساله جميله احياناً ممكن يبقى ليك صديق او ليكي صديقه مريضه او تعبانه او في حاجه فيها بتضايقها نحاول ان احنا عمرنا ما نسخر من حاجه في حد هو ملوش ذنب فيها خلقة ربنا او ابتلاء لان الشخص دا اصلاً نفسياً مع نفسه اللي فيه مكفيه لو كان ربنا كاتب ان احنا اللي نبقى حواليه فاكيد عشان نشجعه ومايقفش عند الموضوع دا و يعرف ان في ناس عندها اكتر منه حجات لا تحتمل و قدروا مايشوفوش غير كل ما هو ايجابي و عرفوا يتصالحوا مع نفسهم و يبقى عندهم رضى من الدرجه الاولى و يحمدوا ربنا على ده و يفهموا انه ابتلاء او اختيار له مكاسب اكبر و اكتر من اللي معندوش الشاطر بس اللي يفهم كده و دا دور الاصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمه الحلوه و طبعاً هنا الاستاذ ماجد بيمثل مشهد انما هو من اطيب و انضف القلوب
و الله يا جماعه الكلمه الحلوه ممكن تساهم في ان شخص ينجح و ان شخص يفشل الكلمه الحلوه ممكن تدي أمل عظيم للحياه
تخيلوا الرصاصه بتموت شخص لكن الكلمه السامه المحبطه اللي ممكن تلوث فكر و تبوظ عقل جميل ممكن تموت اجيال، و يومكم جميل ان شاء الله".
