تحدثت الممثلة المصرية إلهام شاهين، عن بعض آرائها في الدين، وذلك بسبب إطلاعها الكبير بهذا المجال بعد مشاركتها في مسلسل "بطلوع الروح".
وقالت إلهام شاهين: "فور إطلاق البوستر الدعائي للمسلسل، تعرضت لحرب رهيبة، حيث كنت أرتدي ملابس تنظيم داعش الإرهابي، ورغم أن كل أبطال المسلسل كانوا يرتدون نفس الملابس، إلا أني الوحيدة التي هاجموها.. أنا العفريت بتاعهم، لأنهم عارفين أفكاري ولا أقبل الفكر المتطرف. ما ينفعش ربنا يخلق دين وبعدين يخلق دين تاني ضده. فيه ناس ثقافتها محدودة فبتتأثر.. الغلط مش في الدين، ولكن في من يفسر الدين، لما حد يقول اللي مش بيصلي يستتاب ثم يقتل، طيب وأنتم مالكم لو عاوز ربنا يموته أو يعاقبه، ربنا هو اللي بيحاسبنا مش البشر. لازم نتكلم بصراحة لو عاوزين نمنع التعصب، الدولة تمنع ظهور أي شخص يقول آراء متعصبة على الشاشات، أنا شفت شيخ يقول آراء عنصرية، منها إن (المسلم ممكن يتجوز مسيحية لكن لا يعاملها بالحسنى)، وشيخ آخر عنده عنصرية ضد المرأة ويقول (إيه يعني زوجك يضربك بعد ما شاف عورتك)، هل هذا كلام محترم يقال على الشاشات؟".
كلام إلهام هذا جاء خلال مشاركتها بالجلسة الثالثة لمنتدى حوار الثقافات بالهيئة القبطية الإنجيلية.
