تحدثت الممثلة التونسية فريال يوسف عن سبب طلاقها السريع من زوجها بعد عقد قرانهما مباشرة.
وقالت فريال: "بعد كتب كتابي فركشت على طول لأن مكنش ينفع أكمل في الزيجة دي والموضوع ده مكنش له علاقة بالخيانة. كتب الكتاب كان سريع ومكنش فيه فترة تعارف وكنت مشغولة بمسلسل "خاتم سليمان"، ولما الشخص طلب ايدي وافقت ولما عرفته على حقيقته بعد عقد القران فقررت مكملش معاه. ندمت على قرار ارتباطي بالشخص ده لإنه مكنش ثابت على القيم اللي بيتكلم عنها، وكذب عليا في معلومات خاصة بيه، ولما ركزت معاه حسيت إن فيه حاجة مش مظبوطة ولما سألت عنه جاتلي ردود صادمة فكان مهم بالنسبة لي أفركش ومكملش الزيجة دي. خلصت تصوير مسلسل "خاتم سليمان" 29 رمضان، ويوم الوقفة سافرت بلدي وبعدها على طول كتبنا الكتاب، ولما اكتشفت كذبه واني مش هاعرف أكمّل معاه قررت الانفصال لإني محستش إنه ممكن يبقى زوج ليا وأب لأولادي".
حديث فريال هذا جاء خلال حلولها ضيفة على برنامج "الستات"، الذي تقدّمه الإعلاميتان مفيدة شيحة وسهير جودة على قناة "النهار".