إستعادت الممثلة المصرية سوسن بدر ذكرياتها مع مسلسل "أحلام الفتى الطائر"، وعن كواليس مشاركته الممثل المصري عادل إمام فيه.
وقالت سوسن بدر: "كنت في سنة أولى معهد، لما روحت وافقوا على شكلي وأستاذ محمد فاضل سألني إن كنت بعرف أسوق العربية، سألت إن كان المشهد مهم، وكذبت وقولت أه بعرف علشان مخسرش الدور. كان المشهد في الطريق الصحراوي المفروض أنا سايقة العربية وبيركب معايا أستاذ عادل إمام وأستاذ عمر الحريري، أول ما ركبت العربية انفجرت في البكاء، أستاذ عادل فهم وقالي "يا نهار أسود أنتي مبتعرفيش تسوقي" ونزل من العربية وقالهم أني مش بعرف أسوق. أستاذ محسن نصر رحمة الله عليه كان مدير التصوير صعبت عليه، لبس كاب وجاكيت وساق هو العربية في المشاهد البعيدة، وفي المشاهد اللي تصويرها عن قرب فهموني إزاي أسوق علشان نصور شوت قصير، وأستاذ عادل على قد ما كان قلقان صعبت عليه وفضل يقولي "أنتي كويسة يا آنسة عارفة الفرامل فين.".
حديث سوسن بدر هذا جاء خلال لقائها في برنامج "معكم" من تقديم منى الشاذلي عبر قناة cbc.
