كشف الفنان أحمد سالم عن سبب منعه من الغناء في حفل الفنانة أصالة داخل دار الأوبرا، إذ كان من المقرر أن يفتتح هو الحفل، بعد ان كان تواصل معه مكتب الفنانة أصالة لأخذ الموافقة منه، وقال: "مكتب الأستاذة أصالة كلموني وقالولي عايزينك في حفل الختام في الأوبرا، ومكنتش مصدق واتبسطت، وروحت البروفة، وعملتها، ونزلت فيديو من هناك، وكنا هنغني أغنية الحقيقة أنا وأصالة، وفوجئت يوم الأربع قبل الحفلة بيوم الساعة 8، جالي تليفون من المكتب قالولي عندك مشكلة في الأوبرا، وروحت على الأوبرا علشان أعرف المشكلة، واستنيت لحد الساعة 10، وقالي أنت غير مصرح بيك، يعني المهرجان هيبقى فيه معالي الوزيرة وناس كتيرة حاضرة، لكن أنت محدش كتب اسمك، وكان المفروض حد يبلغ بيك، وكنت عامل البروفات جوه الأوبرا".
وتابع: "حاجة زي دي كانت هتفرق معايا كتير، وقولتلهم إيه المطلوب أعمله، قالولي مش هنلحق نبلغ بيك دلوقتي، وكلمت مكتب أصالة قالولي فيه سيب رقم تليفونك ولو في حاجة جديدة هنكلمك، والستايلست كانت عندي وجهزت البدلة وكل حاجة، وده تدبير ربنا الحمد لله، ومحدش قالي على ورق ولا أي حاجة، والناس دخلت عندي تقولي أنت مطلعتش ليه، وعملت فيديو صغير وقولت فيه متطلعتش بسبب أسباب معينة".
