استذكرت الممثلة المصرية سحر رامي اللحظات الأخيرة من حياة زوجها الفنان الراحل حسين الإمام، وقالت :"حسين مات في حضني، كنا في البيت يوم عيد ميلادي، والجو كان حر، هو طلع الحمام واتأخر، فطلعت أشوفه اتأخر ليه، ليكون بياخد دش وسابني أنا والضيوف، أو يمكن يكون اتحبس في الحمام لأن عندنا مشكلة في أوكرة الحمام".
وأضافت أنها نادته، فطلب منها أن تفتح له الباب لأنه لم يعد قادراً على التنفس، وتابعت: "وقع عليا على السرير، في لحظة، أنا كنت مش عارفة إيه اللي بيحصل، في أقل من 5 دقايق، أنا كنت منهارة، وأصحابي طلعوا لي، لكن مقدرناش نعمل حاجة".
وقالت رامي حديثها، خلال لقائها في برنامج "كلام الناس"، الذي تقدمه الإعلامية ياسمين عز، على قناة "mbc مصر"، قائله إن زوجها الراحل لم يكن يعاني من أي أمراض، وأضافت: "الدكتور قالي جلطة مفاجأة في الشريان التاجي، ومش بتتلحق غير بحقنة الأدرينالين بتتاخد في القلب، وفي خلال 10 دقائق، مكنتش ممكن تتلحق، ولو اتلحقت بتعمل أثار جانبية زي الشلل أو العمى".
