تحدث الممثلان عز شهوان و جيلان علاء عن بداية قصة حبهما التي لفتت الأنظار وتفاعل معها الجمهور بشكل كبير.
وقال عز: "اللي حصل أحنا وقاعدين في الحلقة حصل كهربا، ويوم ما مشينا من هنا ووصلتها فضلت طول الطريق أقول لنفسي هقولها انهاردة ولا بكره، ولما وصلتها تحت البيت الساعة 1 بالليل قولتلها بحبك وعايزة اتجوز. أ نا زي أي راجل ساذج قولتلها بحبك وعايز أتجوزك، فـهي قالتلي لا، عشان مكنتش عايزة تتجوز".
أما جيلان فأوضحت سبب رفضها للزواج في البداية وقالت: "أنا رفضي كان بسبب خوفي من الجواز، وتجاربي مكنتش ألطف حاجة، وبالنسبالي مفيش راجل يقول لواحدة هتجوزك، وقولت أكيد كداب أو بيهزر والموضوع مش هينتهي نهاية سعيدة، عشان عدى 34 سنة وعديت بحاجات مأساوية واللي جالي في الدوغري مصدقتوش وبعد شهرين رجعنا أصحاب تاني، وهو قالي أني مش عايز أخسرك، وفي يوم بنفطر في مصر الجديدة كأصحاب، قولت له أنا عايزة أقولك حاجة، قالي: إيه؟، قولت له: أنا بحبك".
حديث الثنائي هذا جاء خلال مشاركتهما في برنامج "معكم" للإعلامية منى الشاذلي.
