أكد حسين حبيب والد الفنان حسام حبيب أن ابنه ضيّع زوجته الفنانة المصرية شيرين عبد الوهاب وزرع العداوة والبغضاء بينها وبين أسرتها وأشقائها، وحرمهم من مصدر خير ورزق تعودوا عليه من ابنتهم طيلة 20 عاماً منتقداً تصريحاته التي أدلى بها خلال مداخلته الهاتفية مع الإعلامي عمرو أديب.
واعتبر والد حسام حبيب أن ابنه أهدر أموال شيرين ووجه له رسالة شديدة اللهجة فكتب: «إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك».
وأشار حسين حبيب إلى أن هناك قطيعة بينه وبين حسام منذ 14 عاماً وقال إنه طلق شيرين منذ سنة فلماذا لم يعمل خلال هذا الوقت.
واعتبر حسين حبيب أن قول ابنه إنه يحافظ على مال زوجته وبناتها وهو حق يُراد به باطل والنتيجة أن أسرة شيرين فضحوها بعدما قطعت صلتها بهم، تنفيذا لنصيحة حسام، موجهاً حديثه لابنه بالقول "حطمت زوجتك بجهلك بشرع الله، ضيّعت نفسك وضيّعت شيرين معاك".
وكشف والد الفنان المصري أنه أعطاه مليون جنيه لينهي الفيلا الخاصة به وأنه بقي لـ أربع سنوات من دون عمل وقال :"بقول انك عمرك ما اخدت منها فلوس وانك ما بتشتغلش 4 سنين كنت عايش على قفا مين وهيا قالت لي يابابا انا عايزه اتجوز راجل يصرف عليا، وقلتله عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، اخدت مني مليون جنيه عشان تشطب فيلتك وما تعيشّ في بيت مراتك وها اردهملك، ومن ساعه ما اتطلقت، وأنا بصرف عليك ورايح تقول لعمرو اديب وتهاجمني، لتاني مره أنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتى سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك، بقالك سنة مطلقاها ما اشتغلتش ليه بطل حجج، وخليك راجل انت فعلا مش تربيتي، ات طلعت من بيت مامي على بيت مراتك".
