استذكرت الممثلة المصرية نشوى مصطفى، الراحل هشام سليم، بعد أيام قليلة على وفاته.
وأشادت نشوى بطيبة وانسانية الراحل، فاستعانت بموقف كانت شاهدةً على تفاصيله، وكتبت: "افتكرت حاجة عن هشام سليم يمكن مش كتير يعرفونها، في يوم راجعة من التصوير وكان فيها أستاذة ممثلة كبيرة الله يرحمها اسمها ثريا إبراهيم، قالت لي نشوى معنديش عربية توصليني في طريقك لأقرب مكان انزل اخد تاكسي، قلت لها تاكسي ازاي حوصل حضرتك لباب البيت، واحنا ماشيين قالت لي عارفة الشقة اللي حتوصلينى ليها دي مين جابهالي، قلت لها مين ؟؟ قالت لي شيريهان، وحكت لي أنها كانت بتشتغل معاها مسرحية شارع محمد علي وكانت بتيجي كل يوم من طنطا للقاهرة وترجع تاني لان بيتها كان هناك ولما شريهان عرفت قالت لها شوفي الشقة اللي تحبينها وأنا حاشتريهالك، ولما اشترتها كانت فرحانة أوي".
وذكرت نشوى فعل الراحل مع هذه الممثلة، حيث قدم لها مساعدة لا تُنسى، فأضافت: "لما هشام عرف بارك لها وقال لها فرشتيها ولا لسه قالت له فرشتها قال لها كان نفسي افرشها لك قالت له وهي بتهزر طيب ما تعمل حاجة تانية قال لها تحت أمرك، قالت له نفسي أحج، تاني يوم لقيت شركة سياحة بتكلمها وبلغتها أن هشام دفع كامل التكلفة وكانت خمسين ألف جنيه وكمان وهي رايحة عطاها مصروف الرحلة وقال لها ادعي لي بس كده ألف رحمة ونور".
يُذكر أن هشام سليم توفي عن عمر 64 عاماً، وذلك بعد صراعه مع مرض السرطان، وتم تشيع الجنازة من مسجد الشرطة في الشيخ زايد يوم الخميس في 23 من الشهر الحالي.
