علق الفنان المصري محمد ثروت على نجاح أغنيته الجديدة، والتي تحمل اسم "هنسيب لمين الغنا" التي كان قد طرحها منذ ايام قليلة مضت عبر قناته على يوتيوب.
وأشار ثروت في مداخلة هاتفية لبرنامج "الحياة اليوم" مع الإعلامية لبنى عسل، أنه يهدي هذا النجاح للناس والجمهور وقال: "كل واحد مننا عنده دور في الحياة لازم نعمله، والأغنية عاملة 1.5 مليون مشاهدة في 24 ساعة والحمد لله على النجاح وأتمنى ربنا يديم لي حب الناس".
وشرح ثروت فكرة الأغنية، حيث قال: "الواحد يسمع في الأول يفتكر ان انا بغنّي للغناء، بعدين يفهم الكلام اللي احنا عايزين نقوله، حضن الحبايب دفا واللي مدايقنا اختفى ولا بيننا عايزينه"، مُشيراً الى أن صناع الأغنية ساهموا بنجاحها وليس هو فقط.
أما عن حالته الصحية، فأكد محمد ثروت أنه الآن بخير، وأشاد بالمشاعر الانسانية الموجودة لدى الكثيرين، وقال: "والله فضل من ربنا الف حمد والف شكر ربنا أنعم عليا باللي انا فيه دلوقتي والناس غمرتني بحبها ولطفها، والانسانية بخير، وحسيت ده في الأزمة بتاعتي بالاحتضان الانساني مع اللي بعرفه واللي معرفوش، كثير ناس ما تعرفنيش كانت تتصل وعايزة تقدم أي مساعدة ليا".
