شاركت السيدة ألفت منذر، زوجة الفنان اللبناني يوري مرقدي، الجمهور مقطع فيديو عبر حسابها الخاص على موقع التواصل الإجتماعي، تهجمت فيه على رجال دين طائفتها، وقالت: "أنا ألفت منذر الدرزية المرتدة، اللي تزوجت يوري مرقدي المسيحي بالحرام من كذا سنة لورا، هيك قالولي لما نغرمنا ببعض لشوشتنا، ولحقنا الحب ولحقنا حديثهم إنو الله واحد، بوقتا انشحطت من الطائفة، بس قبل ما انشحط قالولي روحي لعند هالمرجع الديني، هو بيقلك شو الدرب الصحيح إلك، هيك بنظرهم، رحت لعندو أول جملة كانت منو يا بنتي الزواج من غير دين عنا حرام، وبالتالي إنت بتصيري مرتدة، وبتصيري كافرة ونحنا مننكرك ليوم القيامة، عندي سؤال لهالشيخ أنا رحت لندكن إحتراماً لهالطايفة، اسمع رأيك، بس بيهمني هلق رأيك بـ 16 الشهر بعرس داليا جنبلاط وجوي الضاهر، شو رح يكون موقفك يا شيخ بحب أعرف والله بكبسة زر الحرام بصير حلال إذا تابعين للزعيم؟"