حالة من الجدل الواسع رافقت تصريحات الممثلة المصرية هنادي مهنا بين رواد مواقع التواصل الإجتماعي، وذلك بسبب عملها مع المخرج خالد الحلفاوي في مسلسل "مكتوب عليا".
وقالت هنادي مهنا: "الشغل مع خالد الحلفاوي ممتع جداً لدرجة إني مش بحتاج أعرف الورق والدور لأني متأكدة طالما هو موجود عمره ما هيطلع الممثل وحش. ولو هو كلمني وقال لي أنه عايزني في دور معاه هكون مستعدة أظهر بضهري لمجرد إني أتعاون معاه، وأعتقد معظم الممثلين اللي اشتغلوا معاه هيقولوا نفس كلامي؛ لأنه شخص مريح في الشغل ومش بيميز البطل عن باقي الممثلين ومش كل المخرجين زي خالد الحلفاوي، فيه بعض المخرجين لسانهم طويل وبيحبوا البطل فقط، ودا موجود في كل الوظائف مش التمثيل بس".
كلام هنادي مهنا هذا جاء خلال مداخلة هاتفية لها في برنامج "أسرار النجوم"، وفاجأ الجمهور الذي أكد أنها من نجمات الصف الأول، وتساءلوا عن الأسباب التي دفعتها لهذا القول في هذا الوقت.