شاركت المخرجة السورية رشا شربجي مجموعة صور عبر حسابها الخاص على موقع التواصل الإجتماعي، وثقت من خلالها كواليس تصوير مسلسل "أشواك ناعمة" الذي يعود لعام 2005.
وعلقت مستذكرة تلك الأيام، وقالت: "بتوقع هاد المسلسل آخد شقفة من قلبي و قلبكن كمان لأنو دايماً بسمع أنو العالم بترجع بتتابعو كل ما انعاد عرضو عالشاشة. صعب أنسى تفاصيل مدرسة الفضيلة للبنات، حنية الآنسة حنان، ضحكة رزان، وصوت نضال العالي، حزن لينا، ووجع فرح ومرح، ودلع ريما، ومقالب خلود، وتمرد دانا، ودمعة رهف، وحب غزل، وكل قصص البنات اللي حكت كتير حكايات عن معاناة الصبايا بمجتمعنا العربي. أشواك ناعمة ما كان مجرد قصة عابرة، كان فيه كمية مشاعر مختلطة بدمعة وضحكة مع بعض، نَص محبوك للكاتبة #رانيا_بيطار دخل بعوالم نفسية مدروسة، وأداء فنانات عالي صاروا اليوم نجمات قدروا يكونوا بكل بساطة وعفوية متل بنات أي زمن، بأفكارهن وخوفهن وأسلوب حياتهن ضمن هي الشخصيات اللي لعبوها ببتسم كل ما أتذكر لحظات تصوير هاد المسلسل وكيف تابعوه الناس بلهفة عالشاشة وأديش كنت سعيدة لما أسمع أصداء حلوة يمكن بقيت لليوم، ولهيك حبيت خليكن تبتسموا معي وتشوفوا هالصور الحلوين من ورا الكواليس".
