شاركت الممثلة اللبنانية نادين نسيب نجيم متابعيها منشوراً جديداً عبر صفحتها الخاصة بموقع التواصل الإجتماعي تحدثت فيه عن الفنان الراحل جورج الراسي، ونشرت مجموعة من الصور التي جمعتها بالراسي، وكتبت:" بهيداك النهار اتعرفت عليك عن قريب و شو كنت مهضوم وشخص قلبه طيب كتير و لطيف و محترم وضليتني اضحك قد ما بتمزح و بتحب الحياة كتير انقهرت على شبابك وعلى ابنك يلي خسر بيه وعلى رفيقتك و بناتها يلي خسروا امنّ الله يرحمك ويرحمها و الله يصبر قلب اختك و امك و عيلتك كتير صعب يلي صار !!! حادث سير انت ما ذنبك فيه ! ايا حدا كان فيه يكون مطرحك اهمال الدولة وقلة المسؤولية حرقت قلب امك واخواتك وابنك وكل يلي بيحبوك .
ما في شي رح يعوض خسارتك وهيدي حرقة وغصة رح ضل بالقلب بس بالإيمان و الصلاة ورحمة الرب الله يكون بعونكم و يصبركم ويخفف حزنكم آمين رحمتك يا الله".
لاقى المنشور إنتشاراً كبيراً، حيث تفاعل معه الجمهور وشاركوه عبر صفحاتهم الخاصة، وكتبوا عبارات ترحموا فيها على الراحل، وتمنوا لنادين طول العمر.
