شارك الفنان المصري رامي جمال فيديو جديد عبر حسابه الخاص على موقع التواصل الاجتماعي.
ومن خلال الفيديو، وثّق رامي جمال لقاءه بـ أحمد سالم، الشاب النقاش الذي كان قد وعده بـ ديو غنائي، واكد انه سيفي بوعده، وقال: "منورني النهاردة الفنان أحمد سالم، بأمر الله، أيام قليلة، هنسمع أغاني من أهم ناس في مصر، عشان نختار الأغنيتين، الأغنية بتاعتي انا وأحمد وأغنية لأحمد لوحده، وبأمر الله، الوعد اللي انا وعدته، ما يمنعنيش عنه إلا إن عمري يخلص".
وأضاف رامي: "أحمد هيعمل الأغنيتين، وهتستمتعوا بحلاوة صوته. وكل الناس اللي عاوزين احمد بأي حاجة، هو مضى مع شركة إدارة أعمال، وبالنسبة للأغنيتين، انا مش عايز من أحمد حاجة، أنا فقط بنفذ التساهيل اللي شايفها بتحصله".
وقد أضاف رامي تعليقاً على الفيديو، قال فيه: "أطيب قلب في الدنيا وأحلى صوت في الدنيا، ووعد الحر دين".
