هاجم الممثل المصري إسلام إبراهيم، والد الشاب أحمد سالم "النقاش"، الذي تصدر مواقع التواصل الاجتماعي في اليومين الماضيين، وذلك إثر ظهور أحمد وشقيقه في برنامج تلفزيوني.
واعتبر إسلام، أن والد أحمد ظلمه بعد الاهتمام بموهبته، وقال: "فكرة أنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كارمهم بالوسامة والموهبة والصوت الحلو وعندهم المؤهلات إنهم يكونوا نجوم ومتحاولش تساعدهم أنهم يحققوا حلمهم أو يعملوا الحاجة اللي بيحبوها".
بتفرض عليهم قيود ومسئوليات مش بتاعتهم زي إن هما يجهزوا أخواتهم البنات اللي أكبر منهم حضرتك البنات دول أنت اللي خلفتهم مش هما والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش أكيد هي مهنة محترمة وشريفة لكن أي حد مش موهوب يقدر يشتغلها لكن مش أي حد عنده الموهبة والصوت ده".
واختتم إسلام حديثه قائلاً: "خلاصة الكلام احنا مش بنخلف العيال عشان نستعبدهم احنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة واي ابن بيفتح بقه او يعترض علي حاجة مش عجباه بيبقي ابن عاق كمان الولاد امانة هتتسأل عليها قدام ربنا".
