كشف الممثل المصري هاني رمزي عن فيلمه الخاص الأقرب إلى قلبه، وذلك من خلال حسابه الخاص على موقع التواصل الاجتماعي.
وأكد رمزي أن فيلمه "غبي منه وفيه"، وقال :"عايز أقولكم على سر محدش يعرفه، فيلم غبي منه فيه من الأفلام الأقرب لقلبي، لأن الزعيم عادل إمام كان حاضر تصوير الفيلم كله، وده لأن الفيلم كان من إخراج ابنه، المخرج الموهوب رامي إمام".
وأضاف :"حاجة كمان، المشهد الشهير ليا مع المرحوم طلعت زكريا بتاع التخطيط للمهمة، إحنا كنا اتفقنا إننا هنلغي المشهد ده بالكامل من الفيلم، والزعيم عادل إمام هو اللي أصر إن المشهد يفضل موجود، لأنه على حسب كلامه مشهد حلو وهيجيب ضحك كتير، وقد كان بالفعل"
وختم :"ربنا يخليلنا الزعيم ويطول لنا في عمره يارب".