تحدث الممثل المصري مدحت تيخا، عن الفنان تامر حسني، وذلك مع إنطلاق عرض فيلم "بحبك" في صالات العرض، وكتب تيخا عبر صفحته الخاصة على موقع التواصل الجتماعي :"تامر حسني.
. أنا لازم أقول قدام الناس كلها أنك أحسن نجم أنا اشتغلت معاه من الجانب الإنساني.. اختيارك ليا واهتمامك الكبير بيا في كل حاجة من أول أجري ودوري في الفيلم وشكلي على الأفيش واسمي في التترات".
وأضاف :"مفيش حد بيعمل كدة خالص إلا انت عشان كدة ربنا بيحبك لأنك فعلا إنسان عظيم ونضيف وبتعمل خير من قلبك بجد مش مجرد شو إعلامي".
وتابع تيخا :"يعني اللي عملته معايا ممكن محدش يعرفه خالص، لو أنا مقولتش وبالرغم من كدة عملته معايا، وأنا دلوقتي بمحض إرادتي بقول للناس كلها أهو اللي عملته معايا عشان فعلا أنت تستحق أني أشكرك قدام كل الناس".
وختم قائلاً :"أشكرك جدا يا حبيبي ربنا يوفقك ويسعدك وتحقق كل اللي نفسك فيه يارب وأكتر كمان بإذن الله".
