علق الفنان المصري عمر كمال على قضية استقالة الفنان هاني شاكر من منصب نقيب المهن الموسيقية.
واعتبر عمر كمال أن ما حصل كان خطأ كبير بحضور هاني شاكر، وسعيد الأرتيست كان على علم بمجيء حسن شاكوش للإعتذار منه، وتصرف بشكل غير سليم، وقال: "خلص الموضوع وبعد كده خد أعضاء النقابة واتعاتب معاهم وقول اللي إنت عاوزه مش قدام الكاميرات ويحصل زعيق بالمنظر ده في حضور هاني شاكر".
وأكمل كمال في تصريخه لجريدة "الوطن"، أن هاني شاكر فنان كبير وذو تاريخ فني حافل، والذي حصل بحضوره لم يكن لائق أبداً، فقال: "ده عاصر عبد الحليم وأم كلثوم مينفعش يحصل الزعيق قدامه بالمنظر ده وإن حد يتكلم قدامه بالشكل ده أو حتى يصغره، اللي ملوش كبير يشتريله كبير لو ليك عتاب على المجلس روح النقابة إعمل اللي إنت عاوزه مش قدام الوطن العربي كله".
وأكد عمر كمال: "هاني شاكر أكتر واحد اتوقفت في عهده بس بحبه، فيه مليون لون على الساحة ربنا يكون في عونه مش عارف يرضي مين ولا مين".
