كشفت الممثلة المصرية عايدة رياض تفاصيل جديدة عن زوجها الراحل الفنان محرم فؤاد في ذكرى عيد ميلاده، وذلك على صفحتها الخاصة على احد مواقع التواصل الاجتماعي.
ونشرت مجموعة صور تجمعهما وكتبت : محرم فؤاد الفرق بين ميلاده ووفاته 3 ايام بس لانه اتولد يوم 24 يونيه ومات في نفس الشهر يوم 27 يونيه سنة 2002 اخر عيد ميلاد له حضره في المستشفي كان وصل لـ 68 سنه وكان رايح يغسل كلي لكن طلب من الدكتور انه يستني في المستشفي لانه حاسس بتعب وكان عنده احساس انه هيطلع ويكمل".
وتابعت: وكان فيه اغنيه هيعملها لسه كلامها معايا بتقول مطلعها انا قلبي اخرس ومبيشوفش كمان بعنيه….عامل زي التلغراف هو يدق ...وانتى عليكي تفهمي معانيه ...ولا بيشاور ولابيعبر……...ولايقدر يشرح كل مافيه ، وكان فيه اغنية زعلان عليها قوي اتمنعت من الاذاعة من كلمات كامل الشناوي كان قصيدة بتقول "لست أشكو منك.. فللشكوى عذاب الأبرياء / وهى قيد توصف العزة فيه والإبادة / أنا لا اشكو ففى الشكوى انحناء .. وأنا نبض عروقى كبرياء".والقيادة الساسية شافت انها ضد النظام وده مكانش صحيح ...وموضوع جوزاته اللى يقول 11 واللى يقول 6 واللى يقول 7 انا بقول ودي شهادة اللى اتجوزهم محرم رسمي 3 ماجده بيضون والدة ابنه الوحيد طارق وانا طبعا والمذيعة والاعلامية مني هلال اخر 5 سنين في حياته الباقي بقي كانوا حواليه وشويه اشاعات وممكن عرفي الله اعلم".
وكشفت عن الامنية التي لم تحققها معه: الحاجه اللى كان نفسي فيها بجد يكون لي ابن منه بس ارادة ربنا بقي.
وأردفت: محرم كان بيعتز جدا بعمل يمكن ناس كتير متعرفش انه له الفضل فيه هو اللى صلح نشيد بلادي بلادي النشيد الوطني لمصر وعمله تعديلات رهيبه وكان بيقول كلام فني بحت لان اضلاعه الفنية وموازيره مش مظبوطه كنشيد وطني المهم هو ظبط الموازير وعدل في الاضلاع وبعض الكلمات وظهر بالشكل اللى الكل شافه المشكله ان بعد التعب ده كله عبدالناصر رفض النشيد لوجود اسم مصر فيه لان مصر وقتها كان اسمها الجمهورية العربية المتحده وبعد كده الرئيس السادات وافق عليه،وفي منتصف الستينيات كان عامل حفلة لصوت العرب اعتقد كانت في المغرب وتعب والدكتور اكتشف انه واحد من الاحبال الصوتيه فيه شلل ولو معملش عمليه هيفقد صوته للابد واتعالج في جينيف على نفقة الدولة وربنا شفاه ، اما عبد الحليم كان له معاه صولات وجولات كفايه بس تعرفوا ان محرم عمل اغنية تعب القلوب ياهل الله مخصوص عشان حليم يسمعها
وختمت كلامها: الله يرحمك يامحرم وكل سنة وانت في مكان احسن".
