تحدثت الفنانة المصري غادة رجب عن السبب وراء زيادة وزنها بشكل كبير في الفترة الأخيرة، وأكدت أنه ليس السبب لإبتعادها عن الساحة الفنية، وقالت: "عندي أعمال هتنزل الفترة الجاية، وفي حفلات، بس بعمل الحاجات اللي على مزاجي.
جهودي ووقتي وصحتي كل حاجة بنتي أولى بها، عمرها سنة ونصف ومحتاجة كل الرعاية كل الوقت، وأنتي نايمة ممكن تصحي تعملي لها حاجة، ممكن تبقى صاحية قلقانة من حاجة، برادنة، حرانة، جعانة، طول الوقت مخك شغال ومخسرة 24 ساعة لها، وحقها".
وعن التعليقات السلبية حول زيادة وزنها، أكدت غادة رجب، في حديث لها مع برنامج "كلام الناس" الذي يبث عبر قناة MBC مصر: "تخنت طبعا، أنا واحدة حملت وولدت، أكيد عايزة أخس، واي واحد تخن بيبقى عارف أنه تخن وعايز يرجع يخس ويرجع لوزنه الطبيعي، معنديش الوقت الكافي أنني أنزل الچيم أو أروح النادي، وهي أولى بالوقت والمجهود ده. أه عايزة أخس، بس اللي بيحبني هيسمعني بأي وضع، واللي مش حاببني يقلب المحطة، محدش يتضايق".
