علقت الممثلة المصرية ريهام حجاج على واقعة عروس كفر الدوار وذلك من خلال منشور شاركته عبر صفحته الخاصة في موقع التواصل الإجتماعي.
وقالت ريهام: "هو ليه الناس على السوشال ميديا بيستبيحوا سيرة الناس ويسعوا لخراب البيوت؟ عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) أنت ليه أصلا تقول رأيك السلبي اللي ممكن يخرب بيتهم وتنشره على أنها بتهزئه وتحول فرحتهم لكابوس".
وتابعت: "ممكن يكون في احتمال نص في المية إن مش قصدها أو دي طريقتها في الكلام وأكيد هو عارف وبيتجوزها وحاببها زي ما هي؟! تعرف ظروفهم منين؟ مواقفهم؟ عدوا بإيه سوا في الخطوبة!! إيه إللي خلاها تقول كدا أصلا!! دخليات الناس ماحدش يعرفها بتشيلوا ذنوب والله دا إللي ربنا قال عليه في القرآن الكريم من يفرق بين المرء وزوجه".
وأضافت: "اتقوا الله افهموا الفرق بين حرية الرأي والأذية افهموا الفرق بين اللي ممكن نتكلم فيه واللي مالوش لازمة التدخل فيه من الأساس ستحاسبوا أمام الله على كل دا".
والجدير ذكره أن عروس كفر الدوار كانت قد أثارت جدل كبير في الساعات الماضية حيث طلبت قبل التوقيع على عقد قرانها من زوجها إلقاء شروطها، وطلبت منه قبل موافقتها وتوقيعها احترام الأهل والأقارب وأبرزهم والدتها.
