بعد وفاة الممثل المصري سمير صبري، شهدت مواقع التواصل الاجتماعي ضجة كبيرة بشأن ميراثه. حيث ظهر عدد من الأشخاص الذين يدّعون أنهم على قرابة بالراحل، لكن الناقد طارق الشناوي أكّد أن سمير صبري لم يكن لديه أولاد.
وبعدها ارتبط اسم الممثلة سماح أنور بالقصة، واعتقد روّاد مواقع التواصل أن سمير صبري والد ابنها، فقام الإعلامي المصري عمرو الليثي بإعادة نشر فيديو عبر صفحته الخاصة لسماح أنور وهي تتحدث عن والد إبنه الوحيد.
وتقول سماح أنور بالفيديو: "اتجوزت مرة واحدة أبو أدهم عاطف فوزي والله مكانتش قصة حب ولكن في الوقت ده كان فيه حب وتوفي عاطف فوزي وأدهم عمره سنتان كنا في 1997 وأدهم داخل على 20 سنة وبعد وفاة زوجي مفكرتش أتجوز تاني ووجود أدهم في حياتي ممنعنيش من الجواز وشايفة أنه أنسب أني أكون أم لابني وخلاص، وأنا حابة أعيش لحد وأقوم الصبح علشانه، لكن لو علشاني مش هقوم من على السرير".
أما عن ارتباطها بفنان كبير، قالت: "للأسف المعلومة مش صحيحة وسر الشائعة أني اشتغلت معاه كذا حاجة آخرها المسرحية واشتغلت معاه فيلم تليفزيوني وبعد كده توالت الأعمال ولكن مكانش فيه أي مشاعر، وكان هو أكتر واحد عارف إيه اللي بيحصل في حياتي ويمكن هو كان سري".
وعن ارتباطها بالممثل سمير صبري، قالت: "كنت أتمنى أتجوزه ومكانش مناسب أننا نتجوز سنا وأيا كان إيه السبب عمرنا ما اتكلمنا عن الحاجات دي وعمرنا ما قولنا لبعض كلام حب، الناس فاكرة إن فيه علاقة بجد بس مفيش علاقة بجد ولا حاجة فيه صداقة بجد بس مفيش كلام في الموضوع ده".