كشفت الممثلة الأردنية نور طاهر، وهي إحدى بطلات مسلسل "مدرسة الروابي للبنات"، إصابتها بمرض الصرع.
ونشرت نور صورة لها من المستشفى، وهي تضع الآلات الطبية، وعلقت طاشفة عن تفاصيل مرضها ورحلة علاجها، وقالت: "من زمان كتير كنت اصحى الاقي حالي على الأرض لأني كنت فاقدة الوعي وما كنت اتذكر اي تفاصيل، كنت أصحى عندي وجع براسي ومش قادرة اتطلع على أي ضوء، وكنت مش فاهمة ليش أي ضو ابيض او قوي ممكن يسببلي صداع نصفي متبوع بنوبة غائبةاو نوبة بدون اختلاج وحتى هاي ما كنت احس فيها. حتى ما أطول عليكم، بشهر 3، كنت بحفلة وكانت الضواو قوية وصار معي نوبة صرع متتالية أرعبت كل اللي حولي.. بعدها عملت كتير فحوصات وفكرت اني صرت منيحة، لحد الأسبوع الماضي تقريبًا، بدأت عندي نوبات صرح متتالية وخطيرة أكتر، تم نقلي بسيارة الإسعاف إلى وحدة العناية المركزة، واضطريت اضل فيها لمدة 6 أيام، كانت التجربة مرعبة ومحبطة، لكن تم تشخيصي أخيرًا وعرفت أني مصابة بالصرع".
وتابعت: "بالنسبة للي ما بيعرفوا، الصرع هو اضطراب في الجهاز العصبي المركزي يصبح فيه نشاط الدماع غير طبيعي، مما يتسببفي نوبات أو فترات من السلوك الغير العادي، والأحاسيس الغريبة وفي معظم الأحيان فقدان الوعي."
وأضافت: "من الصعب التعايش مع الصرع، فهو مش مجرد نوبات مؤقتة وبنصحى منها، هو انك تصحى على كدمات مؤلمة في كل جزء من جسمك وما تتذكر كيف اصابتك، وهو انك تضطر إنك تبصق الدم لأنك عضيت لسانك وباطن تمك أثناء النوبة، وانك تسميه متعب قليل عليه. أنا ممتنة لأنه عندي أروع نظام دعم من الناس اللي حولي، أقرب أصدقائي وعائلتي صبروا كتير وكانوا مصدر طمأنينة الي وحاولوا يفهمو مرض الصرع ومساعدتي خلال الأوقات الصعبة بتعرفوا حالكم وأنا بحبكم".
